२१४. 'नकुशा'

                                                         २१४. 'नकुशा'

                                                होतात त्यांना मुली पण
                                                        मनातून असतात नकोश्या
                                                नकोश्या असतात म्हणून मग
                                                        नाव ठेवतात 'नकुशा'

                                                असतात अजाण निष्पाप कळ्या
                                                        काय असते त्यांची चूक
                                                पोटचा गोळा असून सुद्धा
                                                        उठता बसता देतात दु:ख

                                                करपून जातं आयुष्य त्यांचं
                                                        करपून जातात भाव भावना
                                                समाज आणि कुटुंबीय सुद्धा
                                                        करतात सतत अवहेलना

                                                असली कसली रूढी ही
                                                        हा तर निव्वळ नीचपणा
                                                बोका म्हणे ऐशा लोका
                                                        दिसताक्षणी लाथा हाणा

                                                                            --- लबाड बोका